الأربعاء، 7 أبريل 2010

فضيحة معرض الموتر للسيارات !!!!

**بس علشان تكون على بينة و لا يحصلك مثل ماحصله**







**السلام عليكم ورحمة الله وبركاته ***
*اخواني والله ما ادري وش اقول *
*الفساد في هالبلد انتشر بشكل مو طبيعي والوضع صار لا يطاق *
*الغش التجاري في كل مكان والله ذبحونا التجار *
*والقهر ان ماعندك احد لا وزارة التجارة ولا مكافحه غش *
*ياربع انا بقولكم ايش صار معاي وانتم احكمو *
*قبل كم شهر كنت ابحث عن سيارة امريكي مستعمله ونضيفه *
*فقلت يا ولد روح للمعارض الي في الدائري الشرقي اغلب السيارات امريكي استخدام حشمه اكيد*
*المهم راحت ولفيت المعارض ولقيت عند معرض الموتر للسيارات الي بين مخرج 10 و 11 سياره*
*نوع اكاديا موديل 2007 نظيفه وممشاها 24 الف ميل وصراحه خشت مخي *
*السياره من الخارج زي اللوز يعني مافيها اي شيء وتعتبر مو ماشيه بالنسبه لسنة الصنع 2007*
*توكلت على الله واشتريت السيارة طبعا شامل ضمان المعرض من صيانه وخلافه *
*بعد ما شريت السياره سمعت ان فيه مواقع متخصصه لعرض تقارير تخص السيارات الي جايه من امريكا*
*بموجب رقم الشاسي *
*المهم اشتركت بموقع معروف بمبلغ وعرض علي تقرير السيارة*
*السيارة الحمد لله مافيها اي شيء *
*لكن الغريبه اخر تسجيل للعداد وهي خارجه من الميناء متجهه للسعوديه 85 الف ميل *
*وانا مسجل العداد انه 24 الف ميل *
*ايش معناته هذا ((اكيد تم تغيير العداد لرفع قيمه السيارة))*
*اشتركت في موقع ثاني بمبلغ وكمان عطاني نفس التقرير .. السيارة ماشيه 85 الف ميل *
*كتبت خطاب جدا مؤدب ومهذب لصاحب معرض الموتر *
*وعنوانه ((استفسار وتوضيح))*
*وذكرت له في الخطاب ان العداد يختلف عن ماهو مسجل في بلد المنشاء *
*انتظرت يوم يومين اسبوع ...مارد علي *
*وارسل له خطاب ثاني بعنوان ((استفسار وتوضيح للمره الثانيه ))*
*دق علي بعدها السوداني الي يشتغل عنده *
*قالي / صاحب المعرض يقول انت وش تبي بالضبط *
*قلتله ياخوي انا مو راعي مشاكل ولا ابي الا حقي *
*فرق السعر انتم عدلتو في العداد لرفع سعر السياره وانا ابي حقي *
*يا اخوان الفرق قرابه ال 61 الف ميل *
*قالي انا راح ابلغ صاحب المعرض *
*المهم انتظرت فتره على امل القى تجاوب منهم *
*لكن ماعندك احد (( من امن العقوبه اساء الادب))*
*ارسلت له الخطاب الاخير عسى الله يهديه وسلمته للصحب المعرض *
*عصب وقال بالحرف الواحد (( اذا مو عاجبتك السيارة ردها للمعرض ))*
*بكذا انا قلت مالي الا امشي بالاجراءات الرسميه *
*واكتب شكواي لادارة مكافحه الغش التجاري في موقع الوزارة *
*بعد ما لقيت اجراءات صارمه اتجاه الغش التجاري وادخلو وتاكدو *
*والله ماكملت نصف ساعه الا متصلين علي من الشرقيه يستفسرون عن الموضوع *
*اكدت لهم الموضوع وقالو طيب راجع الوزاره *
*قلت طيب شكواي في الموقع ماتنفع قالو لازم تراجع الوزارة *
*(( انا مادري ليه حاطين قسم للشكاوي اذا لازم نراجع الوزاره ))*
*المهم كتبت الشكوى وراجعت الوزارة امام مبنى الاحوال المدنيه في الرياض *
*وقدمت الشكوى للقسم وصلحت لها رقم وارد وقالو اطلع فوق سلمها الادارة قلت ابشرو بس كذا !!*
*سلمتها عند احد المسؤولين طالع في الشكوى قالي ماراح تستفيد حاجه *
*قلت نعم ياخوي*
*قال اقولك ما راح تستفيد حاجه قلتله ليه ياخوي هذا يعتبر غش تجاري اذا هذا مو غش ايش الغش بالله*
*قال حنا سحبو الصلاحيات منا والان الاوراق تحال الى هيئة التحقيق والادعاء العام *
*والهيئه (( على كلامه )) مليانه شكاوي زي كذا وانتظر لين يجيك الفرج *
*قلت انتم طيب ايش دوركم *
*طالع بموظف عنده وتبسم *
*عرفت ان ماعندهم سالف *
*قالي او تطالبه بالمحكمه قلت ياخوي انا مو فاضي مطارده وراح الرجال بالمحاكم على ثلاث شهور و سته شهور *
*قلت ليه ما تطلع من عندكم لجنه وتتاكد من كلامي *
*لان الشخص هذا زي ما غير في عداد السيارة راح يغير في عداد السيارات كلها ويغش الناس كلها*
*وبعدين انا جيتكم بموجب البنود الي في موقع وزارة التجارة والبند مذكور فيه ان اي غش يتم اكتشافه يتم تغريم الشخص *
*من 100 الى 500 مع السجن سنتين طيب وين الكلام هذا *
*قال يا رجال لا تصدق كل الي تقراه *
*وقال انا اقولك الكلام هذا وانا والله ماعرفك لكن عشان اختصر عليك التعب *
*قسم بالله حطمني *
*لو احنا في اوروبا او امريكا كان من زمان ماخذ حقي ..هذا اذا تجرء يغش من اساسه *
*يالربع انا كل اوراقي موجودة والاثباتات موجود ولو تبون صور والله لاحطها الان على النت عشان تصدقون *
*انا ابي حاجتين من موضوعي هذا *
*1- رايكم وش اسوي *
*2- التحذير من المعرض *
*حسبي الله ونعم الوكيل*
*-------------------------------------------*
*صورة تثبت بان العداد لدى معرض الموتر 24 الف ميل *
*



**صورة: http://aqarcity.org/up092/images/cqs1270652957r.jpg **




**صورة تثبت ان العداد داخل الولايات المتحدة 58 الف ميل ***
*عن طريق موقع معروف وتم الاشتراك لعرض كامل التقرير *
*




**صورة: http://aqarcity.org/up092/images/arx1270653025h.jpg **





**صورة: http://aqarcity.org/up092/images/klz1270653107a.jpg **




**صورة: http://aqarcity.org/up092/images/opt1270653147e.jpg **




**احدى الخطابات الموجهه لمعرض الموتر للسيارات **



**صورة: http://aqarcity.org/up092/images/bfi1270653193t.jpg **




**الملصق وعليه رقم الشاسيه **




**صورة: http://aqarcity.org/up092/images/klz1270653236y.jpg **




**الخطاب الموجهه للوزارة ولم يتم الاستفادة منه **




**صورة: http://aqarcity.org/up092/images/arx1270653289q.jpg **




**غرامه وبنود الغش التجاري كما هو في موقع الوزارة **




**صورة: http://aqarcity.org/up092/images/bwy1270653339j.jpg **




**صورة: http://aqarcity.org/up092/images/arx1270653386t.jpg **





**ابوجهه نظري اخواني بانه يجب فضح كل متلاعب من التجار ومن يتساهل في موضوع الغش التجاري***

*فعلا من امن العقوبه اساء الادب*
*
*

**

***المصدر**
*

***http://www.assayyarat.com/forums/showthread.php?t=200060**
*



***انا نقلت لكم الموضوع للفايده مانبي احد يضحك علينا خلاص ملينا **
*

***وخلوها تصدي عندهم اذا ما فدتنا مكافحة الغش حنا على الاقل اذا تأكدنا من الغش نخليهااا تصدي وخله يفيده غشه**
*

***


http://bit.ly/a1knGU

ليست هناك تعليقات:

إرسال تعليق